Karma | كارما

[المقدمة]
We do it the street way
Ah, that's some other shit
[المقطع]
من قلب الأرض اللي الشجر ما بيكبرش في جذرها (آه)
عرش من دهب تتصوره إن ذكرت إسمها (آه)
هنا الشاطر بعد العركة ما بيطلعش متهم
‫لو ضاع في المحكمة بيخش وما بيطلعش منها (Facts)
أديكوا مثال (آه) زي صاحبنا اللي إيده بتاكله (آه)
‫مكنة إسمها نقص وفيه زبون إسمه الـ Ego راكبه
شبح سنينه وكل اللي يجيله في طريقه يشاكله (آه)
‫ڤلانتينو في نفسه، واخد تلت تقديره في شكله (Fact)
الدكر حضر تلقى النكش بيدور
جسمه مش عضل، ده وزن زايد من أكل الكفوف (آه)
في الكلام خُط لكن يقلب قط وقت الهجوم
دق في طبول، حالة حرب هلع شك وظنون
شكل الأسود ما يغرش لو قلبك ده قلب فار (آه)
إنت أكبر قزم، ما يجيبكش حجمك مع الكبار
كما الميزان، هتدين مع كل ألم تتدان
زي ما قالولنا جدي وجدك ياض الزمن قلاب
بتعيد نفسها الأحداث، رغم إن راسه في الغلط
صاحبنا ده كان ملاك لكن شيطانه اللي طغا
بسبب أصحابه إتضغط، الصح في راسه إختلط
أخد طريق كل واحد مقداره وداره وإتخرب (آه)
قدرة صابه بالغضب (آه) ليلة عاتمة في الشتا
جاتله مكالمة من صاحبه اللي بيزقه على الإفترا
بيتعارك (آه) وده راشق، بتحمسه الجريمة
فراحله جري، جاتله مغامرة هتحسسه بالقيمة
يحكي لده وده وياخد الشابو، ده مصدر قوته (آه)
لو كان يعرف إن ديا النقطة الفاصلة في قصته
وهتسيبله بصمة في جتته، كان هيلصم سكته
لكن شيطانه وسوسه وما قدرش يكسر كلمته
إدعي القاضي يقصر مدته، وصل مكان الحدث
سلاح بمكن، ناس بعدد، هنا النزال إبتدأ
خلاصة الكلام للأسف، في وسط الزحام في الخفا
صاحبنا فتح دبلته ع الهدف، الواد إتقتل
هنا النزال إنتهى، كله قال يا فكيك
الأسود إتقلبوا، فردوا جناح الخفافيش (هه)
‫كله بيطير، إلا صاحبنا، بيسأل نفسه "ليه؟"
السلاح ده أنا ماسكه ليه؟ واللي أنا فيه ده إسمه إيه؟
‫من جواه بيسأل صحابه في وسط الدكن ده "إنتوا فين؟"
في أمل إنه شيء يتغير من ندمه في عينيه
حاسك يا صاحبي (آه) دي نار العذاب في إلتهامها
دي جهنم يا صاحبي وإنت فتحت باب من بيبانها
فمهلك يا صاحبي، ليه غارق في همومك دلوقت؟
اللي ضحكلك في وشك بيشمت وبيلومك دلوقت
كنت تجري لأكل عيشك، كان هيصونك دلوقت
بس إنت إخترت تبقى بتجري من الحكومة دلوقت
قولي صاحبك اللي عازك هل لو عوزته تلقاه؟
الإجابة، بص مافيش غيرك إنت وبوكس في سباق (آه)
فبقصر وإيجاز تقدر تطلب اليسر من الله
بس ربك عدل وزي ما على عباده دوست تتداس
كارما
وكله بإختيارك إنت
متسوح من حارة لشارع، من شارع لحارة وينهج
والطاقة بتهدا، عور نفسه في وشه وكسر دبلته
رماها أملاً في إن القاضي يقصر مدته
دي النقطة الفاصلة في قصته (آه)
وصل مكان الحدث، أجواء القلق
ناس بعدد، هنا النداء إبتدأ
‫"محكمة" الشهود بتدني بأقوال بينما
صاحبنا في قفصه وبيراجع كل اللي فات من الندم (فات أوانك)
ملف قديم وسط ملفات إتسرد
صاحبنا كان عليه قضية ضرب وسلاح من زمن
كان عور شاب في وشه، إفتكر، جاله إنذهال من العجب
نفس التعويرة دي في وشه دلوقت وده كان التمن
بتعيد نفسها الأحداث، جه الحكم وصدر القرار
بالمؤبد، هيكمل حياته ورا القبضان
صاحبنا عبرة ومثل للناس (آه) كما الميزان
زي ما قالولنا جدي وجدك ياض الزمن قلاب
كارما