[المقطع الأول]
الشعب لازم يتغير ده مطلبي الأساسي
فجأه جي فى راسي ناسي اللى بتعاني من المقاسي
إحساسي قلي الوضع غلط بس إتفرض فجأه
و الشعب ناسي إن الأوضاع براكين و دى المفاجأه
فتيجي تبيع مبادئك و تلف حوالين نفسك
هتلاقى الكل كاشفك مبادئك اللى تناسبك
مش شكلك و لا شكل بلدك بس إنت مصمم
لنفسك تكمم من غير متأمن يلا إتكلم
إتعلم من غلطات كل اللي فات وعدى
الأعداء مستعدة وبتسجل جوا المسودة
يبقى استفدنا ايه لما تغير شكلك من برا
ومن جوا يعلم الله يلا خلي روحك تبقى حرة
عندك قوة في الإرادة عشان عندك مطالب
فتحاول تتجاوب وتحارب وتموت عقارب
من غير تخاذل ولا تواطئ ولا تعالي ولا تباطئ
تفضل ثابت على رائيك خليك متماسك اوعى توافق
[اللازمة 1]
عاوزك تحط جوا روحك بذرة التغيير
خلي ضميرك غير كون سفير للخير
[المقطع الثاني]
لو وصلت للمعاني اللي جوا السطور هتفهم
بس انت ركز حاول يمكن توصل مش هتندم
وهوا دا الوحي اللي جاني ومن النوم صحاني
خلاني واقف مكاني وآن اوآن اكون حقاني
حرب الحرية الأبدية فكل البلدان حواليا
ملاك الخير شيطان الشر مين هيأثر فيا
قررت انظم إجتماع بيني وبين نفسي في الحال
اشوف هفضل مكاني ولا خلاص دا شي محال
معاناة من مأسآه من انعدام المساوآة
إحساس كئيب مدفون جواه وسواس رهيب عايش معاه
متشتت مش قادر يفكر متسخر متجند
إبليس منه متملك مسيطر على عقله بيولد
أفكار مسمومة بتزود حقد وكراهية بتجدد
ظلم ووحشية بتهدد احلامه الجاية اهي اسودت
ولمستقبله لبعيد ودت من هنا فدماغة فكرة اتولدت
تجميع حوارات قدامه بدأت روحه جوا جروحه اهي اتسحبت
[اللازمة 2]
حب الأوطان من الأيمان قاعدة ثابتة على مر الزمان
وكسر حب بلدك جوا قلبك من فعل الشيطان