Free you mind

Rush Arabian Knightz
القهر والقوة وقت الحكم ما كان بالعنوة
والحب قتلوهلنا جوا قلوبنا بفعل الحقنة
طعمولنا من الطفولة مصل اللامبالاة
أصل المعنى حتى تاه مع معادلة الحياة
تاهت المعاني في 30 سنة من الزحام
ثقتنا فينا إتعزلت ورا حيطة من الأوهام
إزاي يابلادي تآكلي أولادك مع الأيام
ربتينا على أخلاق مفيهاش الإستسلام
حتى شعوري بـ حبك كان بيترعش قدامي
إزاي ممكن احبك وانا معاكي قيدي دامي
ولمين ممكن أشكي والحرامي فيكي قاضي
مـ سرقوا جيلنا كلوا وسابولنا مجد الماضي
الشمس فوق نفوخنا والأماني بتتبخر
وبكرة مابيجيش إلا في وقت متأخر
بس برضو بحبي ليكي حتتغيري بتغيري
عيبي اتغير عقلي إتحرر حبقى أنا سيد مصيري
Ameer Youssef
قالوا عنا جيل وبايظ كنا في إيديهم عرايس
نتحدف من إيد لـ إيد كان دا ماضي خلاص وفات
بس لما الظلم زاد والغضب في قلوبنا قاد
كنا بركان على اللي ظالم اللي أصبح ماضي مات
شوف بعينك شكل بكرة عيش حياتك باللي فيها
بقيت تغير كل حاجة وحشة فيها إبني فيها
أوعى اليأس يخلي حياتك زي الأوضة ومحبوس فيها
أوعى تاخد أي فكرة تحبسك وتعيش عليها
ماتخليش حد يوجه تفكيرك غيرك
حكم عقلك دايما علشان غيرك عمره ماكان حيفيدك
MC.Amin
قالوا جيل و بايظ عشان بيدور عالحريه عايز يقضى على حكم العجايز
يبقى بالحريه فايز جايز كان مكسور و يائس من نظام عقيم و بائس
التفكير فى دماغه خاسس بالنسباله الناس عرايس
أيوه شكلى هو شكلك كل واحد فى إتجاه مين بيوصل مين اللى تاه
مين بذور الخير جواه مين هدفه الوصول للمال مين هدفه الوصول للجاه
كل حاجه فى ثانيه تزول أول ماتفارق الحياه .. ياه
تتحط فى سجن و تبقى و عبره و تشوف الأيام الغابره
و كل اللى زرعته هتجنيه ، زرعت أيه النهارده لبكره
هتبقى نكره الجسم يموت تعيش الفكره شد الخيط تكر البكره
و إحنا جاهزين نبقى ذكرى و هو باختصار لما تقدر تاخد القرار
تقف فى وش عربيات الأمن أو فى ضرب النار
و تبان حقيقتك من طريقتك مصري يفوت فى أتخن جدار
مش من الكفار لأ من الثوار و متطولش فى الحوار