fnanen

تصحيح كلمات أغنية

تريد أن:

إرسال كلمات

تصحيح كلمات

الفنان:

عنوان الأغنية:

الكلمات:

“نعدى الشارع” لفريق كايروكى
مسكت إيديها عشان نعدى الشارع.. بعديها قالت لى ما فيش مانع
عملت عبيط أكيد وفضلت ماسك.. بصّت لى حتّة بصة وقالت لى حاسب
قلبت الموضوع فى ثانية هزار.. خدتها السينما عزمتها على فشار
والفيلم كان أكشن جبار.. والبطل فيه كالعادة بيكسب الأشرار
ياما نفسى الفيلم يخلص والنور ينوّر.. خايف أقرّب أكتر خايف أتهوّر
مش عارف أصدق.. ولا عارف منين أبدأ
مش عارف أفكر.. متوتر مش عارف أعبّر
مستنّى اليوم ده أنا من زمان.. أفتح قلبى وأقول لها كل الكلام
مستنّى اليوم ده أنا من زمان.. أفتح قلبى وأقول لها كل الكلام
وأمسك إيديها ونعدّى الشارع سوا
عدينا ودخلنا فى تانى شارع.. تُهنا فى الزحمة وشوفنا الدنيا أحلى
الشارع لينا وأول مرة لوحدينا.. فجأة طلع علينا عيال ولاد لذينه
عملت معاهم السليمة ونمرة عليها القيمة.. بصّت لى بصة خطيرة معانيها كتيرة
وعينيها زى الواد بتاع الفيلم الأكشن الجبار.. روحت هزمت كل الأشرار
عملت عبيط تانى وحاولت أتمادى.. بصّت لى بصّة حادة والمره دى بزيادة
قلبت الموضوع بهزار كالعادة.. قالت لى لمّ الدور وروح يا حمادة
مستنّى اليوم ده أنا من زمان.. أفتح قلبى وأقول لها كل الكلام
مستنّى اليوم ده أنا من زمان.. أفتح قلبى وأقول لها كل الكلام
وأمسك إيديها ونعدّى الشارع سوا
قولت لها كل حاجة وقولت لها الحقيقة.. وزى الفيلم النهاية كانت سعيدة
ردّت وقالت وأنا كمان.. نتقابل بكره فى نفس المكان
مستنّى اليوم ده أنا من زمان.. أفتح قلبى وأقول لها كل الكلام
مستنّى اليوم ده أنا من زمان.. أفتح قلبى وأقول لها كل الكلام
مستنّى اليوم ده أنا من زمان.. أفتح قلبى وأقول لها كل الكلام
وأمسك إيديها ونعدّى الشارع سوا.

جميع الكلمات هي ملكية وحقوق نشر لأصحابها. الكلمات متاحة للأغراض التعليمية والاستخدام الشخصي فقط.